Edmond Karriqi, drejtuesi i komanduar nga Këshilli i Lartë i Prokurorisë në krye të prokurorisë së Kukësit është vënë në pranga këtë mërkurë. Mësohet se prokurori ndodhej në qytetin e Kavajës kur është rrethuar nga forcat e policisë, të cilat kanë arrestuar pas urdhër arrestit të lëshuar nga SPAK për përfshirje në afera korruptive. Prokuroria e Posaçme Kundër Korrupsionit dhe Krimit të Organizuar ka mbledhur prova konkrete, sipas të cilave rezulton se Edmond Karriqi ka kërkuar dhe ka marrë përfitime montare, me qëllim favorizimin e disa personave të cilët ishin nën hetim nga Prokuroria pranë Gjykatës së Shkallës së Parë të Kukësit. Në njoftimin zyrtar, shkruhet se edhe ndaj shferit të tij personal Isuf Gega si dhe dy personave të tjerë është caktuar masa e sigurimit “arrest me burg” pasi dyshohen se kanë kryer veprën penale “korrupsion aktiv i gjyqtarit, prokurorit dhe funksionarëve të tjerë të drejtësisë”. Kujtojmë se Edmond Karriqi ka qenë prokuror i çështjes së këngëtares Fjolla Morina, e cila u kap me armë zjarri në pikën kufitare të Morinës Arrestimi i tij u bë pas vendimit të Gjykatës së Posaçme të Shkallës së Parë për Korrupsionin dhe Krimin e Organizuar e cila ksihte caktuar paraprakisht masën e sigurisë "arrest me burg".