5 vite burg vendosi Gjykata e Posaçme Antikorrupsion për Rexhep Rapin, I cili akuzohet se organizoi atentatin ndaj Xhevdet Plakut. Në total trupi gjykues dha 7 vite e gjashtë muaj burg, por ai përfitoi nga gjykimi I shkurtuar. Rapi u shpall fajtor për akuzat “Sigurimi i kushteve dhe i mjeteve materiale për të kryer vrasje” dhe “Kryerja e veprave penale nga organizata kriminale dhe grupi i strukturuar kriminal”. Me 4.8 vite burg u dënua dhe ish-shefi I krimeve Dedan Gjoni I cili sipas SPAK dyshohet se nxorri në pritë Xhevdet Plakun. I njëjti dënim u dha dhe për Algert Rapin dhe Dejvi Gërmënin. Sipas vendimit të GJKKO të akuzuarit do e vuajnë dënimin në një burg të sigurisë së lartë. Nga hetimet rezultoi se më 17 shtator të vitit 2019 në Durrës ishte planifikuar për tu vrarë Xhevdet Plaku, I konsideruar si kapo I një grupi droge, I njohur ndryshe dhe me nofkën Akili. Ai u thirr në komisariat nga ish-shefi I krimeve Dedan Gjoni, për t’u nxjerr më pas në pritë por që I shpëtoi atentatit.