Ish-deputeti dhe biznesmeni Artan Gaçi u paraqit këtë të enjte në Prokurorinë e Posaçme në cilësinë e personit nën hetim për një çështje të re, që lidhet me dyshimet për pastrim parash përmes transferta të dyshuara monetare nëpër kompani jashtë vendit. Hetimi i ri ndaj tij ka nisur pas këqyrjes së telefonit të një shttasje, e cila ka qenë bashkëpunëtore drejtësie, dyshohet në dosjen e tjetërsimit të pronave në Himarë. Në pajisjen e saj, SPAK zbuloi komunikime për transferta të shumave të mëdha parash në disa shtete. Gaçi u paraqit në SPAK i shoqëruar nga avokati i tij, Gurali Brahimllari, i cili konfirmoi se ai u mor në pyetje si person ndaj të cilit zhvillohen hetime dhe kërkuan të njihen me aktet. Nga burimet hetimore raportohet se nuk përjashtohet mundësia që në këtë çështje të përfshihet edhe bashkëshortja e tij, ish-ministrja Olta Xhaçka. Gaçi është thirrur më parë në SPAK edhe lidhur me çështje të tjera, përfshirë kallëzimet për tjetërsim pronash në Himarë.