Ish-avokati penal i Antëerp në Belgjikë, Sahil Malik është përjashtuar si avokat dhe dënuar me 5 vite burg, nga të cilat 20 muaj me kusht. Avokati akuzohet për anëtarësim në organizatë kriminale dhe pastrim parash. 33-vjeçari, sipas gjykatës ka ndihmuar kartelet e drogës që trafikonin kokainë. Hetuesit belgë gjetën në “Sky ECC”, mes bisedave të kriminelëve dhe trafikantëve të drogës që kontrabanodnin kokainë në portin e Antëerp, një kontakt me pseudonimin “Sher”. Pas hetimeve doli që personi që fshihej pas emrit “Sher”, ishte avokati Malik, i cili më 2 maj 2020, ishte pyetur nga një trafikant shqiptar nëse mund të mësonte se çfarë ndodhi me një ngarkesë kokaine që u kap në kalatën 1742. “Sher” e kishte udhëzuar trafikantin shqiptar se kur mund të ishte “koha e duhur” për trafikimin e drogës, ndërsa në biseda të tjera ai tregon se ka kontakte në doganë që mund të kontrollonin nëse kontejnerët ishin përzgjedhur për skanerin apo jo.