Kosova ka regjistruar 8 viktima nga Covid 19 në 24 orët e fundit. Ministria e Shëndetësisë bëri me dije se janë shënuar 68 raste të reja nga 4 mijë e 320 testime të kryera. Këto shifra nënkuptojnë se 1.5 për qind e personave të testuar kanë rezultuar pozitivë. Prej shpërthimit të pandemisë në mars të vitit 2020, autoritetet shëndetësore në Kosovë kanë regjistruar mbi 159.000 raste të infektimit. Prej tyre 2.947 persona kanë vdekur. Po gjatë këtij harku kohorë janë shëruar 323 qytetarë, ndërsa numri i përgjithshëm i të shëruarve është 153 mijë e 672. Në Kosovë 3 mijë e 342 qytetarë janë të infektuar me koronavirus. Në 24 orët e fundit janë dhënë 15 mijë e 617 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.299.482 doza të vaksinës. Deri më sot 513.544 qytetarë janë vaksinuar me dozën e dytë.