Ish-Tribunali i Hagës ka hedhur poshtë kërkesën Ratko Mlladiç [ër lirim të përkohshëm nga burgu për arsye shëndetësore, ku ai po e vuan dënimin për krime lufte. Ekspertët pavarur mjekësorë kanë konstatuar se Mlladiç po vëzhgohet dhe trajtohet në mënyrë adekuate për gjendjen shëndetësore. ish-Tribunali sqaron se ish-komandanti i Ushtrisë së Republikës Sërpska, I njohur si “kasapi i Ballkanit”, është vendosur në një strukturë spitalore burgu, e cila është e pajisur për të ofruar kujdes multidisiplinor për të burgosurit me probleme komplekse mjekësore. I burgosuri ka kujdes të përshtatshëm, ndihmë me aktivitetet e përditshme, si dhe përkthyes dhe staf që flasin gjuhën e tij. Kjo është hera e dytë që atij i refuzohet kërkesa për lirim nga burgu për arsye shëndetësore. Mlladiç u dënua në vitin 2021 me burgim të përjetshëm për gjenocid për masakrën e Srebrenicës, ngjarja më e përgjakshme në Evropë që prej luftës së II botërore.