Nga kjo e hënë, në Kosovë kanë hyrë në fuqi masat e reja për luftë kundër pandemisë së cobid 19. Masat e reja të Qeverisë së Kosovës, përfshijnë kërkesa për dëshminë e vaksinimit kundër këtij virusi. Nga kjo e hënë, klientët dhe stafi i gastronomisë duhet të paraqesin certifikatën e vaksinimit ose testet negative për COVID-19, në mënyrë që t’ju lejohet hyrja në lokale. Po ashtu edhe në qendrat tregtare, klientët dhe stafi duhet të jenë të pajisur me njërën nga dëshmitë e përmendura më lart. Bizneset e gastronomisë, sipas masave të reja, janë të detyrur që të caktojnë një apo më shumë persona përgjegjës që do të kontrollojnë qytetarët për paaportën e vaksinimit apo për kryerjen e testit anti covid. Këto rregulla vlejnë në institucione publike dhe private që kanë punë me palë, përfshirë punonjësit e marketeve, bankave etj. Masat e reja vazhdojnë të ndalojnë hyrjen e qytetarëve pa maskë mbrojtse në mjetet e transportit publik. Këto masa do të vlejnë dy javë, por, sipas Ministrit të Shëndetësisë, Arben Vitia nuk përjashtohet mundësia që të merren masa të reja kufizuese apo lehtësuese, varësisht nga situata epidemiologjike.