Ekipi i Organizatës Botërore të Shëndetësisë ka dalë nga karantina dhe do të nisë hetimet në terren për origjinën e koronavirusit, në qytetin kinez të Ëuhanit. Shkencëtarët do të fillojnë të intervistojnë njerëz nga institutet e kërkimeve, spitalet dhe tregjet e ushqimeve të detit të lidhura me shpërthimin fillestar. Kërkimi i tyre sidoqoftë do të varet nga provat që do të ofrohen nga zyrtarët kinezë. Kjo vjen pas muajsh negociata mes OBSh dhe Pekinit. Grupi i 13 ekspertëve ka mbërritur në Ëuhan më 14 janar dhe kaloi dy javë në karantinë, që përfunduan të enjten. Ndërsa ishte në izolim, ekipi është lidhur përmes videos me shkencëtarë kinezë. Pasditen e të enjtes, ata dolën nga hoteli dhe u ngjitën mbi një autobus, pa folur për gazetarët. Më herët gjatë ditës, pjesëtarët e ekipit kishin njoftuar në tëitter për fundin e karantinës, përfshirë fotot e tyre që merrnin letrat që certifikonin përfundimin e izolimit mjekësor. “Fazë e re, prioritete të reja”, shkruante në tëitter virologu holandez Marion Koopmans. Para arritjes së tyre, OBSH tha se hetuesit e saj ishin penguar të hynin në kinë pasi një pjesëtar i ekipit u kthye pas dhe një tjetër u bllokua në tranzit. Pekini më pas tha se gjithcka kishte qenë një keqkuptim. Covid 19, u pikas së pari në ëuhan në fund të 2019, por Kina ka thënë për muaj se ai nuk është domosdoshmërisht vendi ku virusi e ka origjinën.