Ish-kryeministri Ramush Haradinaj, ka deklaruar një pasuri të majme në Agjencinë Kundër Korrupsionit. Vetëm pronat e paluajtshme që i ka në pronësi, ose në bashkëpronësi, e kalojnë vlerën e 1 milion eurove. Sipas asaj që ka deklaruar, Kryetari i Aleancës për Ardhmërinë e Kosovës, Haradinaj ka shtëpi banimi prej 950 metra katrorë, e cila ka vlerën e 300 mijë euro. Tutje, Haradinaj ka deklaruar se ka në pronësi të përbashkët një shtëpi familjare,, prej 800 metra katrorë. Kjo shtëpi sipas tij, ka vlerë 270 mijë euro. Po ashtu, ai ka deklaruar se ka në pronësi të përbashkët edhe dy toka, prej 200 hektarësh, që e ka blerë në privatizim në vitin 2009, në vlerë prej 70 mijë eurosh.