Rusia ka shtuar në listën e sanksioneve Jill Biden, gruan e presidentit amerikan Joe Biden dhe vajzën e tyre Ashley, si shenjë hakmarrjeje ndaj vendimeve të Uashingtonit kundër Rusisë, për shkak të luftës në Ukrainë. Ministria e Jashtme e Rusisë, ka thënë përmes një deklarate më 28 qershor se 23 akademikë tjerë dhe zyrtarë amerikanë janë shtuar në listë, duke përfshirë liderin e republikanëve në Senat, Mitch McConnell dhe senatorët, Charles Grassley, Kirsten Gillebrand, Susan Collins, Ben Sass, dhe Martin Heinrich. “Si përgjigje ndaj zgjerimit të sanksioneve amerikane kundër politikanëve dhe figurave publike ruse, 25 shtetas amerikanë janë të përfshirë në ‘listën e ndalimit’.