Dihet se njeriu më i pasur i botës, Elon Musk, pëlqen të hidhet në sipërmarrje të pamundura, por këtë herë fitimi i zemrave të amerikanëve mund të jetë më i vështirë për të sesa kolonizimi i Marsit. Historia e ka treguar këtë pasi ajo ka dënuar me dështim çdo eksperiment politik që është përpjekur të rrëzojë bipolarizmin amerikan. Një nga shembujt më të freskët është miliarderi Ross Perot, që në 1992 mori pothuajse 19 për qind të votës popullore, duke u renditur i dyti në dy shtete, por nuk mundi të siguronte asnjë zgjedhës të madh. Perot më pas përdori ndikimin e tij për të orientuar elektoratin në favor të Clintonit, duke u bërë vendimtar në humbjen e republikanit xhorxh bush, me 19 milionë e 643 mijë votat e tij. Perot u përpoq sërish katër vite më vonë, duke marrë 8.4 për qind të votave me partinë e tij reformuese, por edhe kjo nuk ishte asgjë. Lideri i Partisë së Gjelbër, Ralph Nader, luajti gjithashtu një rol të rëndësishëm në vitin 2000, kur pati një garë kokë më kokë në votimin përfundimtar midis Bush Jr. dhe Al Gore. Por përsëri pa asnjë rezultat. Një nga përpjekjet më të fundit ka qenë ajo e miliarderit Majkëll Blumberg, i cili tentoi si i pavarur, për tu tërhequr më pas. Nëse duam të gërmojmë më thellë në historinë amerikane, përpjekjet e para konkrete për një parti të tretë i gjejmë në fillim të shekullit të kaluar. Pasi ishte në Shtëpinë e Bardhë nga viti 1901 deri në vitin 1908, Theodore Roosevelt nuk u dorëzua pasi u mund në zgjedhjet paraprake të Partisë Republikane dhe vendosi të hynte në fushë si lideri i një entiteti të ri politik: Partia Progresive. Kështu, në zgjedhjet e vitit 1912, ai e gjeti veten përballë të njëjtit Ëilliam Taft që e kishte zgjedhur personalisht si pasardhësin e tij. Në fund, gjërat nuk shkuan shumë mirë as për Roosevelt dhe as për Taft pasi gara u fitua nga demokrati Ëoodroë Ëilson. Sidoqoftë Roosevelt pati kënaqësinë modeste të të qenit kandidati më i suksesshëm i partisë së tretë në historinë amerikane. Askush nuk do të arrijë më kurrë 27% të votave të fituara prej tij duke ardhur nga jashtë. Ish-presidenti mundi të siguronte tetë zgjedhës të mëdhenj dhe arriti ta vendoste drerin e tij, mes elefantit republikan dhe gomarit demokrat.