Rusia së shpejti mund ta godasë Ukrainën me 1,000 dronë dhe raketa çdo ditë, ndërsa një tjetër sulm vdekjeprurës u zhvillua gjatë natës. Ishte sulmi i dytë masiv në katër ditët që nga telefonata e Trumpit me Putinin që përfaqëson një sfidë thuajse të pakapërcyeshme ndaj axhendës së paqes të Presidentit. Kapaciteti i fuqisë së zjarrit të Moskës është në rritje dhe forcat ruse kanë thyer rregullisht rekordin për breshërinë më të madhe ditore të armëve të përdorura në javët e fundit. Më 1 qershor, një valë prej 479 dronësh dhe raketash u bë sulmi më i madh me dronë i Rusisë gjatë luftës. Më 9 qershor kjo shifër u kapërcye me 499, pastaj përsëri më 29 qershor me 537. Dhe së fundmi, vetëm të premten e kaluar, Putini terrorizoi Kievin me një stuhi zjarri prej 550 dronësh dhe raketash, pikërisht kur ai dhe Trump mbaruan një telefonatë. Industria e mbrojtjes e Rusisë po rritet me shpejtësi dhe shembulli është edhte një fabrikë e madhe raketash në Votkinsk dhe zinxhirët e furnizimit që po zgjerohen me shpejtësi. Me një arsenal në zgjerim, përmasa e breshërisë së rregullt të Rusisë mbi Ukrainë duket se vetëm do të rritet vetëm - që do të thotë se së shpejti mund të përdoren deri në 1000 armë në ditë. E kjo është një perspektivë e zymtë për Ukrainën, ku çdo valë sjell dhimbje dhe vdekje. Dhjetëra raketa dhe dronë kamikazë u lëshuan këtë mëngjes, duke vrarë të paktën tre persona, dy në rajonin e Sumit dhe më tej në Odessa. Pati gjithashtu të lënduar edhe në qytetin e dytë më të madh të Ukrainës, Kharkiv. Të paktën 27 persona u plagosën, përfshirë fëmijë të moshës tre, shtatë dhe 11 vjeç. Presidenti amerikan, Donald Trump, tha se Rusia do të vazhdonte të vriste njerëz- dhe la të kuptohej se sanksione të reja do të kishte për moskën.