Një video rrëqethëse që tregon se si lumi i Teksasit u fry më shumë se 9 metra në vetëm 45 minuta para se të merrte jetën e të paktën 82 personave, përfshirë fëmijë, është publikuar së fundmi. Deri më tani, 40 të rritur dhe 28 fëmijë kanë humbur jetën që nga orët e para të 4 korrikut, kur reshjet e shpejta të shiut bënë që uji në lumin Guadalupe të ngrihej më shumë se 9 metra mbi nivelin e tij normal në më pak se një orë. Ekipet e shpëtimit janë ende duke kërkuar me dëshpërim për 41 viktima që rezultojnë të zhdukura, përfshirë 11 vajza që ndodheshin në Camp Mystic, një kamp veror përgjatë lumit në Qarkun Kerr. Pamjet e tmerrshme, të postuara në platformën X, tregojnë nivelin e ujit që u rrit nga ora 17:00 deri në 18:00 me një shpejtësi alarmante, ndërsa automjetet dhe vendasit në sfond mbeteshin të bllokuar pas lumit. Nga ora 17:15 deri në 17:20, ujërat e turbullta mund të shiheshin duke u përhapur mbi një rrugë, ndërsa mbulojnë plotësisht pemët dhe shkurret përreth. Gjatë 20 minutave që pasuan, ujërat u ngjitën edhe më shumë gjatë rrugës së ngushtë, ndërsa njerëzit shiheshin të largoheshin nga vendi i ngjarjes. Pas një ore të plotë, vetëm dy maja pemësh mbetën të dukshme, ndërsa uji i përmbytjes vërshon në zonë. E ndërkohë, zyrtarët kanë paralajmëruar për një rrezik të ri pasi reshjet e shiut do të kthehen në zonë. Kjo ka cuar në një valë të re evakuimesh. Banorët në teksasin qendror po nxitojnë të ngjiten në terrene më të larta, pas paralajmërimeve për përmbytje të menjëhershme si pasojë e shirave të pritshëm që do të bien në një tokë të tejngopur me ujë.