Ministri i Transportit i shkarkuar nga Presidenti rus Vladimir Putin, Roman Starovoit, u gjet i vdekur në makinën e tij jashtë Moskës me një plagë nga arma e zjarrit dhe hipoteza kryesore është se ai kreu vetëvrasje, thanë hetuesit shtetërorë. Starovoit u shkarkua më herët sot nga Presidenti Vladimir Putin dhe kreu vetëvrasje disa orë më vonë, tha Komiteti Hetues Rus. “Trupi i ish-Ministrit të Transportit rus, Roman Vladimirovich Starovoit, u gjet sot në makinën e tij, me një plagë nga arma e zjarrit”, tha Komiteti Hetues, duke shtuar se “hipoteza kryesore (e shkakut të vdekjes së tij) është vetëvrasja”. Mediat ruse, duke cituar burime të zbatimit të ligjit, raportuan se një pistoletë që i përkiste Starovoit u gjet pranë trupit të tij në makinën e tij. Përpara se të emërohej ministër i transportit në maj 2024, Starovoit ishte guvernator i rajonit të Kurskut për gati pesë vjet. Tre muaj pasi u bë ministër i transportit, trupat ukrainase kaluan kufirin në Kursk në pushtimin më të madh të huaj të territorit rus që nga Lufta e Dytë Botërore dhe u zmbrapsën vetëm në fillim të këtij viti pas luftimeve të ashpra dhe shkatërrimeve të gjera. Shkarkimi i Starovoty vjen në një kohë sfidash të rëndësishme për sektorin e transportit, ndërsa lufta në Ukrainë vazhdon për të katërtin vit radhazi. Po kush ishte Starovoit. Ai la postin e tij si guvernator i rajonit të Kurskut, trupat ukrainase pushtuan Kurskun nga kufiri, ndërsa Kievi nisi pushtimin më të madh të huaj të territorit rus që nga Lufta e Dytë Botërore. Forcat ukrainase u dëbuan nga Kursku në fillim të këtij viti. Disa zyrtarë rajonalë në Kursk u arrestuan më pas me akuza për abuzim me pushtetin. Në prill të këtij viti, pasardhësi i Starovoit si guvernator, Alexei Smirnov, u akuzua për përvetësim të parave të destinuara për qëllime mbrojtjeje. Një burim i tretë në industrinë e transportit tha se pozicioni i Starovoit kishte qenë në pikëpyetje për muaj të tërë, jo konkretisht për çështjet e transportit, por për skandalet e korrupsionit në Kursk. Reuters nuk ishte në gjendje ta konfirmonte në mënyrë të pavarur këtë pretendim.