Infektimi i shpendëve me virusin H5N8 është shtrirë në disa zona të rritjes së shpendëve në vend, duke u kthyer në një problem serioz për konsumimin e mishit të shpendëve dhe nënprodukteve të tyre. Mëngjesin e kësja të marte, u raportuan edhe 60 pula të ngordhura në fshatin Grabian të Lushnjes. Dyshohet se shkak është bërë gripi i pulave, megjithatë po kryhen analizat në Institutin e Sigurisë Ushqimore dhe Veterinare në Tiranë, për të konfirmuar me saktësi gjithçka që ka ndodhur. Ndërkohë, përplasjet mes Bashkisë së Durrësit dhe Ministrisë së Bujqësisë, për caktimin e një territori që përmbush standardet ligjore për groposjen e puleve të ngordhura, ka bërë që ministria e bujqësisë t’i drejtohet Bashkisë së Shijakut ku, siç deklaroi zëvendësministrja e bujqësisë Ermira Gjeci, ka filluar procesi i asgjësimit të pulave të ngordhura në Durrës.