Top News – Greqia kthen emigrantët në det të hapur / Videoja skandaloze, autoritetet nisin hetimet

Autoritetet greke shihen në një video duke i detyruar azilkërkuesit të hypin në një gomone shpëtimi dhe duke i braktisur ata në det të hapur. Grupet e të drejtave të njeriut kanë akuzuar prej kohësh Athinën për praktika të tilla. Greqia ndërkohë mohon së është përfshirë në rikthimin në det të hapur të aizilkërkuesve dhe thotë se ka nisur një hetim për videon. Videoja u publikua këtë javë nga Neë York Times dhe tregon një grup emigrantësh që dërgohen në ishullin grek të Lesbosit më 11 prill, me një furgon të bardhë pa shenja. Në grupin prej 12 njerëzish kishte disa fëmijë të vegjël. Më pas, njerëz të maskuar i detyrojnë të hypin në një gomone, që i çon në një anije të rojes bregdetare greke, e cila i lë në det të hapur, larg vijës bregdetare. Emigrantët me sa duket janë detyruar të futen në një gomone shpëtimi dhe janë braktisur në mes të detit Egje. Ata thuhet se u kapën nga roja bregdetare turke një orë më vonë. Pamjet, të cilat nuk janë verifikuar në mënyrë të pavarur, janë filmuar nga Fayad Mulla i organizatës politike austriake Der Ëandel, i cili për vite të tëra ka dokumentuar trajtimin e emigrantëve që zbarkojnë në brigjet greke. Ai thotë se ka qenë dëshmitar i shumë "kthimeve" të tilla.