Një shtetas shqiptar u arratis mëngjesin e kësaj të marte nga burgu i Koridhalos në Athinë. Mediat greke kanë bërë të ditur se i arratisuri është një 47-vjecar shqiptar dhe që mbahej në burgim nën akuzën e trafikut të lëndëve narkotike. Po ashtu, është bërë e njohur që arratisja e shqiptarit nga burgu është kryer gjatë hyrjes së një kamioni me furnizime në ambientet e institucionit së vuajtjes së dënimeve. Në rrethana ende të pa ditura, mësohet se punonjësit e sigurisë në burgun e Koridhalos kanë hapur njëkohësisht të dy portat e sigurisë, një moment të cilin 47 vjeçari shqiptar e shfrytëzoi për tu larguar me vrap në rrugicat e zonës. Policia greke ka nisur kërkimet për shqiptarin, ndërkohë që janë ngritur dyshimet se ka pasur një plan të organizuar me persona jashtë burgut që mendohet se e kanë ndihmuar autorin të arratiset prej burgut të Koridhalos.