Pas më shumë se 5 vitesh proces gjyqësor ndaj katërshes së Ushtrisë Çlirimtare të Kosovës, duket se është afruar fundi. Në fillim të muajit shkurt janë caktuar seancat për fjalët përfundimtare në rastin e ish-krerëve të UÇK-së, ndërsa muaji prill dhe fillimi i majit të vitit të ardhshëm shihen si afate optimale që trupi gjykues të nxjerr aktgjykimin e shkallës së parë. Monitoruesit e procesit vlerësojnë se gjykimi ka qenë i ngadaltë dhe i shoqëruar me mungesë transparence. Amer Alija nga Fondi për të drejtën humanitare në kosovë, thotë: Alija: Në fillim të majit 2026 pritet aktgjykimi i shkallës së parë në rastin …Tani rasti ka ardhur në përfundim të procedurës, deri më 17 janar nëse nuk gaboj janë procedurat ku mbrojtja dhe palët tjerat duhet të paraqesin dosjet përfundimtare, më pastaj më 9 deri 13 shkurt 2026 janë caktuar të mbahen fjalët përfundimtare dhe pasi të përfundojë kjo procedurë, me fjalën përfundimtare trupi gjykues brenda 3 muajsh duhet ta shpallë aktgjykimin. Sigurisht, diku kah fillimi i muajit maj 2026 pritet të shpallet aktgjykimi i shkallës së parë në rastin Thaçi dhe të tjerët” Drejtori ekzekutiv i Institutit të Kosovës për Drejtësi, Ehat Miftarajt, është i të njëjtit mendim. Miftaraj tregon afatet se kur mundet të shpallet aktgjykimi në rastin Thaçi “Me vetë faktin që gjatë muajit shkurt është paraparë fjalët mbrojtjes qoftë të prokurorisë, avokatëve mbrojtës unë besoj që muaji mars, prill mund të jenë afate kohore kur gjykata mund të dal me një vendim për rastin në fjalë, po flas për shkallë të parë“