Gjykata e Posaçme Kundër Krimit dhe Korrupsionit, ka refuzuar për të dytën herë brenda një kohe të shurtër lirimin e Selim Çekajt, babait të Arbri Çekajt, i akuzuar për trafikimin e 49 kg kokainë. GJKKO mori këtë vendim edhe pse ndaj tij SPAK kishte kërkuar masën e arrestit në shtëpi. Selim Çekaj u arrestua në 1 prill të këtij viti pas gjetjes së 49 kg kokainë të fshehur në një kontejner me banane të porositur prej kompanisë së tij në Ekuador. Në të njëjtën mënyrë trafikimi më herët është arrestuar edhe djali I tij Arbër Çekaj, ku në konteinerët me banane tëkom panisë së tij “arbër garden’ në pranvërën e 2018 u gjet sasia rekord prej 613 kg kokainë. Në 2018 kur u zbulua ngarkesa e parë dhe e konsiderueshme e fshehur në kontejner me banane të porositur nga kompania e tyre “Arberi” Garden, Selim Cekaj ka përsëritur se edhe i biri është i pafajshëm. Dosja për të moshuarin që mbas goditjes se djalit hapi një kompani tjetër për tregtinë e bananeve, u transferua nga prokuroria e Durrësit pranë SPAK. Ndërkohë arbër Çekaj tashmë është dënuar me 14 vite burg për trafik droge. Kujtojmë se pak kohë më parë Arbër Çekaj së bashku me të dënuarin tjetër Fatmir Pjetri tentuan të arratiseshin nga burgu 313, por u ndalën në momentin e fundit nga gardianët.