Gjermania ka zgjatur bollokimin e vendit në kuadër të masave kundër koronavirusit deri më 31 janar. Vendimi është marrë nga kancelarja Angela Merkel pas takimit me 16 kryeministrat e landeve gjermane. Kjo masë është marrë pasi situata nga pandemia e covid 19 nuk është përmirësuar aspak, madje numri i të vdekurve I tejkaloi 35.000 veta. Si pjesë e masave kufizuese në të gjithë Gjermaninë do të lejohet vetëm nga një vizitor nga jashtë çdo familjeje, dhe nga stafi dhe vizitorët që hyjnë në shtëpitë e kujdesit për të moshuarit do të kërkohet që të kryejnë teste të shpejta të detyrueshme paraprakisht. Rregull që kufizon lëvizjen e njerëzve në 15 kilometra nga shtëpitë e tyre, do të zbatohet për bashkitë që regjistrojnë më shumë se 200 infektime të reja për 100,000 banorë brenda një jave. Mbi 70 komuna, kryesisht në shtetet lindore gjermane Saksonia, Saksonia-Anhalt dhe Thuringia, aktualisht kanë numra mjaft të lartë të infektimeve. Gjermania hyri në një bllokim ‘të butë’ në fillim të Nëntorit, por vendosi të mbyllë çerdhet, shkollat dhe dyqanet jo-thelbësore para Krishtlindjeve, përballë vdekjeve në rritje të lidhura me virusin. Në 24 orët e fundit Gjermania pati 11,897 raste të reja me covid 19 dhe 944 vdekje. Kancelarja Merkel dhe kryeministrat e vendit do të takohen përsëri në 25 Janar për të vendosur nëse bllokimi do të duhet të zgjatet përsëri.