Budestagu gjerman ka votuar me 383 pro, 192 kundër dhe dy abstenim për zgjatjen e mandatit të Bundesëehr-it në KFOR. Mandati i ri lejon dërgimin e deri në 400 ushtarëve, ndërsa kostot shtesë ishin 35.7 milionë euro. CDU/CSU, SPD dhe Të Gjelbrit votuan pro, ndërsa përfaqësuesit e tyre, u shprehën se situata në Kosovë mbetet e qetë, por jo e sigurt, duke përmendur marrëdhëniet e panormalizuara me Serbinë, pikëpyetjen rreth angazhimit afatgjatë të SHBA-së dhe ngërçin politik të krijuar prej kohësh nga mungesa e konsensusit për postin e presidentit. Një nga deputetët e CDU, bëri thirrje që Ksoova të formojë qeverinë dhe të zgjedhë sa më parë presidentin. Ai tha se pa shumicë parlamentare, nuk mund të realizohet as afrimi me BE e as anëtarësimi në Këshill të Evropës. Në lidhje me marrëdhëniet me Serbinë, deputeti tha se zgjidhja duhet të vijë diplomatikisht, paqësisht dhe ndoshta edhe me një marrëveshje të re.