Autoritetet greke kanë zbuluar të enjten një dron marin, I prodhimit ukrainas në një shpellë në ishullin e Lefkadhës. Droni është gjetur nga peshkatarët, ndërsa dyshohet se mjeti lundrues ka humbur orientimin dhe u strehua gabimisht në shpellë. Sipas autoriteteve, droni ndodhej jo prej shumë kohe në zonë, pasi motorri i tij ishte ndezur, ndërkohë që sistemi i baterive të aparaturës ushtarake mund të funksionojë për jo më shumë se 72 orë, çka bën të dyshohet se ai është lëshuar nga ndonjë anije që lundron në zonë ose nga ndonjë platformë në tokë.