Top News – ‘Gangrena’ e tenderave shqiptarë / Të huajt s’marrin pjesë, vendasit s’besojne te gara

Tenderat janë kapitulli i pestë që Shqipëria duhet të përmbushë në procesin screening të Bashkimit Europian. Por, kreu i dhomës amerikane të tregtisë, Enio Jaço ka identifikuar gjashtë pika që po i kthejnë tenderat në gangrenë të ekonomisë dhe po shihen me shqetësim nga europianët. Sipas Jaços, gjashtë shenjat që tregojnë se tenderat nuk po funksionojnë si duhet fillojnë me faktin se kompanitë e huaja zakonisht nuk marrin pjesë dhe kompanitë shqiptare i shohin proceset tenderuese me skepticizëm. Kreu i dhomës së tregtisë sqaron se shpesh janë po të njëjtat kompani që shpallen fituese të tenderave publikë. Gjithashtu ka probleme dhe mangësi me kontratat, me performancën e zbatimit dhe probleme të tjera të evidentuara nga progress-raporti i Bashkimit Europian.