Forca e sigurisë së Kosovës ka njoftuar përmes një njoftimi në faqen e saj në Facebook, se ka mundur të shkatërrojë me sukses një bombë 907 kilogramëshe, që u gjet në Merdare më 8 dhjetor. Në njoftimin e FSK thuhet se operacioni për shkatërrimin e bombës, zgjati për plot 14 orë dhe pas përfundimit me sukses të tij, nuk ka më rrezik për banorët. Shkatërrimi i bombës, thotë FSK, u bë në ambjente të kontrolluara dhe sipas standarteve më të larta të sigurisë. Ndërkohë që zyrtarët e forcës së Sigurisë së Kosovës thonë se kanë ruajtur atë cka ka mbetur nga bomba me qëllim që ta përdorin në trajnimet e ardhshme të trupave. Bomba u gjet në 8 dhjetor të këtij viti në afërsi të pikës së kalimit kufitar në merdare. Në këtë zonë, janë zhvilluar në vitet 98-99 luftime të ashpra mes forcave të ushtrisë clirimtare të Kosovës dhe trupave serbe, luftime këto që u shndërruan në simbol të luftës për pavarësinë e vendit. Në shumë nga zonat pranë kufirit mes Kosovës dhe Shqipërisë, trupat serbe vendosën në atë kohë mina dhe mjete të tjera shpërthyese, që kanë shkaktuar në disa raste edhe të lënduar dhe viktima. Kompania e deminimit e Forcës së Sigurisë së Kosovës, thotë ndërkohë se do të vazhdojë të punojë për të krijuar një ambjent të sigurt për të gjithë qytetarët.