Kthimi në Shqipëri i katër fëmijëve dhe një gruaje nga Kamli Al Houl kA kaluar përmes vështirësish të shumta në territorin Sirian kontrolluar nga Kurdët. I dërguari Top Channel në Liban, Muhamed Veliu ka siguruar fotot e konsullit të përgjithshëm Shqiptar në Liban, Marc Ghorayeb, dhe drejtorit te drejtorisë së antiterrorit, Gledis Nano, bashkë me Indrit Doden brenda kampit Al Hol. Në këto foto ata shihen brenda kampit Al Hol duke kërkuar për gratë dhe fëmijët shqiptarë. Po ashtu në disa foto të tjera është fiksuar momenti ku konsulli Shqipërisë në Liban firmos një dokument bashkëpunimi për këtë çështje me Autoritetet Kurde që zyrtarisht njihen ai autoriteti për vetë administrimit e Sirisë Veri Lindore. Një ditë më parë gazetari Top Channel, Muhamed Veliu raportoi nga Libani me detaje operacionin e ndërmarrë për nxjerrjen nga kamoi të 4 fëmijëve dhe një gruaje. Dy javët e fundit ata në fshehtësi të plotë hynë në Siri nga ku negociuan me Autoritetet Kurde që zyrtarisht njihen ai autoriteti për vetë administrimit e Sirisë Veri Lindore. Pas shumë negociatash këto autoritete i dhanë dritë jeshile riatdhesimit të vetëm fëmijëve jetim dhe grave të cilat kanë mbaruar procesin e hetimit e ndaj të cilave nuk rëndon asnjë akuzë apo atyre që kanë nevojë për ndihmë mjekësore të specializuar. Konsulli shqiptarë dhe drejtori antiterrorit u futën në kampin al hol dhe identifikuan një pjesë të shqiptarëve që ndodhen aty ku personat tashmë të shpëtuar përmbushnin kategorinë e lejuar nga Kurdët.