Fondet që buxheti i shtetit akordon për financimin e arsimit në vendin tonë janë nga më të ultat në Europë dhe rajon, më pak se 3 %. Sipas një raporti të Organizatës për Bashkëpunim dhe Zhvillim Ekonomik të publikuar nga Monitor, Financimet për Edukimin në Shqipëri janë 40% më të ulëta se në vendet e zhvilluara të Europës dhe 15-20% më të ulëta se në rajon. Analiza e OECD ve ne dukje se Shqipëria nuk arrin të mirëpërdorë edhe fondet e pakta në dispozicion të arsimit. Nga të gjitha nivelet e arsimit, ai i mesëm është më pak i financuari në raport me të tjerat, përkatësisht vetëm 0.4% të PBB-së saj, kur në vendet e zhvilluara ofrohet financimi me rreth 2% e PBB-se. Arsimi i mesëm është një hallkë e rëndësishme në sistemet arsimore, për shkak se formohen aftësitë për profesionet dhe aftësitë në tregun e punës. Të dhënat nga PISA tregojnë se, financimet në arsim janë të lidhura në mënyrë të drejtpërdrejtë me cilësinë e studentëve. Kur krahason shpenzimet për nxënës në shkollat e mesme në Shqipëri me ato të vendeve të tjera, të dhënat sugjerojnë se Shqipëria ka financime të ulëta e për rrjedhojë, edhe rezultatet të ulëta në testet e PISA. Ekspertët e OECD-së vënë në dukje se, Shqipëria do ta ketë të vështirë të arrijë të përmirësojë cilësinë e dijeve pa investime më të larta. Ata vënë në dukje se shqipëria nuk po zbaton ligjin në fuqi, për të bërë shpërndarjen e fondeve në arsimin paraunivesitar, sipas formulës që bazohet në ndarjen e financimeve për nxënës. Një pjesë e fondeve, të njohura si transferime të pakushtëzuara, të alokuara për NJësitë e Qeverisjes Vendore të llogariten bazuar në një formulë të krijuar në vitin 2002, e cila tashmë është vjetruar dhe nuk i përgjigjet zhvillimeve ekonomike, sociale dhe demografike.