Shqipëria I mbylli lojërat Olimpike Paris 2024 me dy medalje Bronzi. Islam Dudaev I shtoi Shqipërisë dhe një tjetër medalje, ndërsa suksesi I arritur prej tij u përshëndet dhe nga presidenti Bajram Begaj, që në një postim në Facebook shprehu falënderime për mundësin kampion të natyralizuar si shqiptar. “Faleminderit kampion’, shkroi presidenti Bajram Begaj. Reagimeve iu bashkua edhe kryeministri Edi Rama “JA EDHE MEDALJA E DYTË OLIMPIKE NË HISTORINË TONË. Kush di të gëzohet le të gëzohet me shumicën dërrmuese të shqiptarëve. Kujt nuk di të gëzohet le t’ia njohim meritën e hudhrës që ia mban larg Shqipërisë syrin e keq”, shkroi kreu I qeverisë në rrjetet sociale. Ndërkohë kryeparlamentarja Elisa Spiropali e cilësoi medaljen një tjetër gur të çmuar për arritjet e sportit shqiptar. “Medalja e dytë olimpike! Mundësi i skuadrës sonë olimpike Dudaev, do të na sjellë prej “Paris 2024” një tjetër gur të çmuar në gjerdanin e sportit tonë, të Shqipërisë sonë. Mirënjohje kampionit Islam Dudaev!”, deklaroi ajo. Reagimeve Iu bashkuan edhe politikanë të tjerë edhe nga radhët e opozitës.