Një avion luftarak amerikan, F-16, është përplasur në korenë e jugut të hënën ndërsa ishte në një fluturim rutinë trajnimi dhe piloti u shpëtua pasi u hodh me katapultë kur avioni përjetoi një emergjencë në fluturim – thanë forcat ajrore amerikane të vendosura në vend. Piloti u shpëtua në detin e verdhë nga roja bregdetare koreano jugore dhe u kthye në bazën ajrore Kunsan – thanë zyrtarët. Shkaku i emergjencës po hetohet – shtuan ata. Komandanti i njësisë, koloneli Metju Gaetke, tha se ai ishte i lumtur për shpëtimin e pilotit dhe ky i fundit është në gjendje të mirë. Baza ajrore ndodhet në brigjet perëndimore të koresë së jugut, në qytetin Gunsan dhe është një prej dy bazave kryesore ajrore të përdorura nga ushtria amerikane në këtë vend. Versioni më i hershëm i avionëve F-16, është ai F-16A, i prezantuar në 1979. Ka patur që atëherë shumë modele të tjera pasuese. Nga shtatori 2021, forcat ajrore amerikane kanë në inventar më shumë se 1 mijë avionë F16 C/D. Nuk është ndërkohë e qartë se cili model është përfshirë në aksidentin në Korenë e Jugut.