Ushtria ruse ka ndërtuar kostume të frikshme që ushtarët e saj ti veshin në fushëbeteja, e ato mund të përdoren edhe tani në Ukrainë. Kostumet high tech në stil Iron Man-i, i japin personit që i vesh më shumë fuqi, saktësi më të madhe në distanca të largëta si edhe mundësinë për të vrapuar më shpejt dhe më gjatë në terrene të vështira. Rusia ka punuar në heshtje për këto exoskelete, prej vitesh dhe mund të jetë duke u përgatitur ti përdorë në konfliktin në Ukrainë, shkruan britanikja Daily Star. Ushtria ruse më herët i ka testuar të ashtuquajturat exoskelete me fuqi aktive që mund të vishen nga ushtarët për tu dhënë atyre fuqi më të mëdha... Ato janë të projektuara të forcojnë dhe rrisin aftësitë e personit që i vesh. Mes avantazheve që ofrojnë janë më shumë fuqi, më shumë saktësi, më shumë shpejtësi, më shumë rezistencë dhe më shumë mbrojtje në të njëjtën kohë. Këto kostume mund të ndihmojnë ushtarët të mbajnë armë më të rënda ndërsa një motor me bateri i lejon trupat të mbulojnë distanca të gjata në terren të sheshtë. Ai mban edhe një sistem hidraulik që i jep trupave fuqinë për të mbajtur ngarkesa më të mëdha. Kostume të ngjashme përdoren aktualisht në industrinë e prodhimit të makinave pasi ato reduktojnë dhimbjet e muskujve tek punonjësit duke reduktuar numrin e lëndimeve në shpinë apo supe e duke përmirësuar efikasitetin. Kostumi ka një mburojë titani që e bën atë të lehtë. Oleg Faustov, nga kompania që ushtria ruse ka kontraktuar për këto kostume thotë se ato e bëjnë një ushtar të thjeshtë shumë vdekjeprurës. Ai sqaron për agjencinë shtetërore të lajmeve në rusi, Tass, se janë zhvilluar ndërkohë testime te prototipet e këtyre ekzoskeleteve. Pamjet: AFP