Në prag të vizitës së parë zyrtare në Tiranë, i dërguari amerikan për Ballkanin Perëndimor, Gabriel Escobar ka dhënë një mesazh të fortë për iniciativën e Ballkanit të hapur, duke thënë se SHBA e mbështet për aq kohë sa përfshon të gjitha vendet e rajonit. I pyetur për faktin faktin se ka rezistencë ndaj projektit “Ballkani i Hapur” në Bosnje Hercegovinë, Kosovë dhe Mal të Zi, , Escobar tregoi kushtet e SHBA për mbështetjen e nismës. “Ne mbështesim çdo përpjekje për integrimin ekonomik rajonal, Procesin e Berlinit, Tregun e Përbashkët Rajonal, CEFTen dhe Ballkanin e Hapur. Për sa kohë që është e hapur për të gjitha vendet, për sa kohë që ofron sisteme ligjore dhe rregullatore dhe i ngre ato në nivel evropian, për sa kohë që promovon drejtësinë, tregtinë e hapur, ne do t’i mbështesim këto parime”.