Dita e fundit e muajit mars ka rikthyer reshjet e shiut në vend, të shoqëruar me një erë të fortë, ku si pasojë e kësaj disa vende kanë hasur problemet e para, duke filluar nga ndërprerja e energjisë elektrike, deri tek një incident në Vlorë, ku një shtyllë e tensionit të lartë u rrëzua nga era e fortë e bregdetit. Shtylla elektrike u rrëzua në afërsi të bazës së Pashalimanit, ku energjia elektrike u ndërpre për disa orë në bazë por edhe në malin e Karaburunit. Punonëjsit e OSHE po punonjë për rregullimin e shtyllës, por forca e erës ka shtuar edhe më shumë vështirësinë për ndërhyrje, duke penguar punën e punonjësve në terren. OSHEE njofton se edhe Orikumi dhe Radhima janë po ashtu pa energji elektrike, pasi janë stakuar linjat për ti mbrojtur ato. Situata meteorologjike pritet të përkeqësohet edhe më shumë gjatë orëve të mbrëmjes, ku pritet që forca e erës të jetë edhe më e fortë, si dhe sipas parashikimeve do të ketë reshje të dendura shiu. Nuk dihet nëse do të ketë apo jo ndërprerje të energjikë elektrike, por nëse po, kjo gjë do të njoftohet në orët në vijim.