Kosova nuk duhet të lejojë që Kushtetuta të ndryshohet për të pranuar kompetenca ekzekutive për komunitetin serb, qofshin ato edhe minimale, thotë eksperti i të Drejtës Kushtetuese, Riza Smaka. Nw 15 tetor, në konferencën për shtyp në Beograd, përfaqësuesi special për dialogun Kosovë-Serbi, Mirosllav Lajçak tha thënë se në një proces serioz negociator, “është e logjikshme që do të duhet të ndryshojë edhe Kushtetuta”. Në këtë kuadër ai shtoi se Kosova do të zbatojë të gjitha detyrimet që i ka marrë përsipër në Bruksel, duke përfshirë këtu edhe krijimin e Asociacionit të komunave me shumicë serbe. Deklarata për ndryshime kushtetuese ka nxitur reagime të shumta në Kosovë, kryesisht kundër çdo mundësie për ndryshimin e Kushtetutës së Kosovës. Kur vjen fjala tek Asociacioni, shetqesimi kryesor mbeten kompetencat e këtij organi.zwdhwnwsi I BE-sw për Politikë të Jashtme dhe Siguri i BE-së, Peter Stano I pwrpoq ta zbuste situatwn me pohimet se deklarata e Lajçakut për ndryshimet e nevojshme kushtetuese është keqinterpretuar. Ai tha se kjo deklaratë kishte të bënte me ndryshimet pas arritjes së marrëveshjes finale. Për ekspertin e të Drejtës Kushtetuese, Smaka, ndryshimi i nenit të parë i Kushtetutës së Kosovës, nga një shtet unik në shtet të përbërë, apriori do ta bënte Kosovën shtet jofunksional. "Do të ishte shumë e ngjashme me Bosnjë e Hercegovinën”, deklaroi ai për Radion Evropa e Lirë. Sipas ekspertit, nga an proceduriale një gjë e tillë mund të ndodhë lehtë, por duhet evituar që të vijë puna deri te propozimi për ndryshime.