Ekonomia informale e Greqisë arrin në 16 deri në 18 për qind të produktit të brendshëm bruto të vendit, sipas Zyrës së Buxhetit të Parlamentit grek, që llogarit ekonominë e zezë bazuar në të dhënat e vitit 2023. Shifra përkthehet në rreth 40 miliardë euro që qarkullojnë jashtë kanaleve zyrtare ekonomike. Raporti ka zbritur të ardhurat e deklaruara nga individët dhe bizneset, që në 2023 raportohen 110 miliardë euro nga taksa mbi vlerën e shtuar, që në të njëjtin vit arkëtoi 151 miliardë euro Vlerësimi i autoriteteve greke përputhet me vlerësimet e mëparshme të Fondit Monetar Ndërkombëtar. Megjithëse mbetet në nivele të larta të dhënat e cituara nga fondi tregojnë se ka rënie të ndjeshme të ekonomisë informale, nga 30 për qind e PBB-së së Greqisë që ka qenë në vitin 2013. Greqia renditet ndër vendet me informalitetin më të lartë ekonomik në Bashkimin Europian, duke lënë pas vetëm vende si Rumania dhe Bullgaria, ndërsa nga anëtaret e mëdha të BE-së, informaliteti vlerësohet si më problematik në Spanjë, Itali dhe Portugali.