Ish-diplomati, Blerim Canaj vlerëson se roli i Shteteve të Bashkuara të Amerikës në dialogun mes Kosovës dhe Serbisë do të varet nga marrëdhëniet që krijohen ndërmjet administratës Trump dhe Brukselit zyrtar. Canaj: “Bashkimi Evropian do të detyrohet të shkojë në një vijë me Shtetet e Bashkuara të Amerikës. Kabineti i Donald Trump, përkatësisht republikanët, nuk janë ata të cilët funksionojnë si demokratët, ‘tërhiqe dhe mos e këput’, por dinë t’i prenë gjërat shpejtë dhe natyrisht sipas nevojës...Shumë ka rëndësi se kush do të qeverisë me Kosovën. Ka rëndësi se çfarë komunikimi do të ketë mes Kosovës dhe SHBA-së. Nuk e përjashtoj mundësinë që Donald Trump dhe Richard Grenell të thonë se po e vazhdojmë ku e kemi lënë aty në vitin 2019” Politologu, Seb Bytyqi, në një intervistë për KosovaPress, vlerëson se është ende e paqartë sesi do t’i qaset administrata Trump dialogut Kosovë-Serbi.