Donato Bilancia, vrasesi serial I dënuar në Itali me 13 burgime të përjetshme për shtatëmbëdhjetë vrasje dhe me 16 vite të tjera për një vrasje të mbetur në tentativë, I mbijetoi shumë sprovave në jetën e tij, por jo asaj të koronavirusit. Serial killer I frikshëm vdiq nga Covid 19 në burgun Due Palazzi në Padova. Krimet e Bilancias ndodhën në vitet 1997 dhe 1998 mes Ligurias dhe Piemontes. Ai u mbiquajt "përbindëshi i trenit" dhe mund të mos ishte kapur, po të mos tradhëtohej nga makina që përdori për disa nga udhëtimet e tij. Problemet e tij me drejtësinë nisën që në adoleshence, por episodi që e shënjoi për të gjithë jetën ishte vetëvrasja e të vëllait, që u hodh në vitin 1984 në shinat e në një treni me djalin katër vjec në krahë. Krimet më të tmerrshme, Bilancia I kreu prillin e 1998-tës, në linjën hekurudhore La Spezia-Venecia, kur qëlloi për vdekje Elisabetta Zoppettin, duke e vrarë në vend. Po kështu vrau në shtëpinë e tij Maurizio Parentin, të cilit I kishte një borxh të pashlyer, si dhe gruan e tij, Carla Scotto. Tre ditë më vonë grabiti dhe vrau një cift tjetër, pronarë të një argjendarie, e më tej I mori jetën dhe një kambisti. Krimet e Bilancias vazhduan deri kur u arrestuar majin e vitit 1998, ndërsa konsiderohet si një ndër kriminelët më të pashpirt në historinë e Italisë.