Udhëheqësit evropianë dhe Presidenti ukrainas Volodymyr Zelensky u takuan në Paris të enjten për të rënë dakord për garanci sigurie për Kievin në rast të një marrëveshjeje paqeje me Rusinë për t'i dhënë fund luftës tre-vjeçare e gjysmë të shkaktuar nga pushtimi i Moskës në vitin 2022. Garancitë nga i ashtuquajturi koalicion i të gatshmëve, të cilat mbeten të fshehta, pritet të përfshijnë trajnime të shtuara për ushtrinë ukrainase dhe vendosjen e trupave nga disa shtete evropiane, të cilat e kanë zemëruar Rusinë. Ato janë pjesë e një shtytjeje të udhëhequr nga Presidenti francez Emmanuel Macron për të treguar se Evropa mund të veprojë në mënyrë të pavarur nga Uashingtoni, pasi Presidenti Donald Trump përmbysi politikën e jashtme të SHBA-së vetëm pas disa muajsh në detyrë. Samiti, i bashkëkryesuar nga Macron dhe kryeministri britanik Keir Starmer, synon të përcaktojë planet për garancitë e sigurisë për Ukrainën nëse ose kur të ketë një armëpushim, dhe të krijojë një pamje më të qartë të përfshirjes së SHBA-së. Rusia i ka përçmuar këto ppërpjekje duke theksuar se nuk dëshironë të shohë trupa evropiane në Ukrainë pasluftës. Koalicioni i të gatshmëve përfshin rreth 30 vende që mbështesin Ukrainën, kryesisht evropiane, por edhe Kanadanë, Australinë dhe Japoninë. Shtetet e Bashkuara përfaqësohen nga i dërguari special i Presidentit të SHBA-së Donald Trump, Steve Ëitkoff.