Prokuroria Speciale e Kosovës ka ngritur aktakuzë në Gjykatën Themelore në Prishtinë ndaj shtetases serbe Jelena Gjukanoviç, për veprën penale “Spiunazh”. Jelena Gjukanoviq u arrestua më 28 shkurt, në rajonin e Mitrovicës. Ajo dyshohet se ka vepruar në bashkëpunim për kryerjen e veprës penale “Spiunazhi”. Sipas aktakuzës, gjatë periudhës para arrestimit, Gjukanoviç në cilësinë e zyrtares të Misionit të OSBE-së në Kosovë, ka shpërndarë dokumente dhe informacione të ndjeshme për Agjencinë e Inteligjencës dhe Sigurisë së Serbisë (BIA). Gjukanoviç ka marrë udhëzime nga i dënuari serb për spiunazh, Aleksandar Vllajiç, duke kontribuuar në krijimin e një narrative armiqësore ndaj institucioneve të sigurisë, shtetësisë dhe integritetit të Kosovës, dhe kanë vënë në rrezik jetën dhe sigurinë e zyrtarëve shtetërorë, qytetarëve dhe personelit ndërkombëtar të OSBE-së. Sipas provave të siguruara gjatë hetimeve, informacionet e siguruara nga Jelena Gjukanoviq, janë transmetuar tek dy zyrtarë të lartë të BIA-s, ku me njërin prej tyre ka kryer disa takime në Beograd të Serbisë.