Takimi mes presidentit amerikan Donald Trump dhe atij rus Vladimir Putin, që ka në thelb nevojën e një marrëveshjeje për paqe në Ukrainë, është vetëm pak orë larg. Presidenti rus ka nisur udhëtimin e tij drejt alaskës dhe sipas raportimeve, biseidmet do të fillojnë në orën 11:30 të mëngjesit sipas orës lokale, ose në 20 sipas orës sonë, në Bazën Ajrore Elmendorf, instalimi më i madh ushtarak amerikan në Alaskë dhe një bazë e Luftës së Ftohtë për mbikëqyrjen e Bashkimit Sovjetik. Duke shtuar rëndësinë historike, Shtetet e Bashkuara blenë Alaskën në vitin 1867 nga Rusia, një marrëveshje që Moska e ka përmendur për të treguar legjitimitetin e shkëmbimeve të tokave. Kremlini tha se priste që Putini dhe Trumpi të takoheshin vetëm me përkthyes para një dreke pune me ndihmësit. Asnjë nga udhëheqësit nuk pritet të zbresë nga baza në qytetin më të madh të Alaskës, Anchorage, ku protestuesit kanë përgatitur manifestime në shenja solidariteti me Ukrainën. Putini përballet me një urdhër arresti nga Gjykata Ndërkombëtare Penale, cka e detyron atë të kufizojë ndjeshëm udhëtimet që nga lufta. Por Shtetet e Bashkuara nuk janë palë në gjykatën e Hagës, dhe Departamenti i Thesarit i Trumpit lehtësoi përkohësisht sanksionet ndaj zyrtarëve të lartë rusë për t'u lejuar atyre të udhëtojnë dhe të përdorin kartat bankare në Alaskë. Samiti shihet si një moment kritik në konfliktin e vazhdueshëm, me potencialin për të hapur rrugën për një armëpushim ose për të thelluar përçarjet.