Prej disa ditësh, kadastra e Durrësit ka qenë në vëmendjen e mediave për shkeljet flagrante dhe abuzimin madhor me pronat e bregdetit. Lidhur me këtë pati një reagim edhe ambsadorja Yuri Kim një ditë më parë, ku tha që të merren hapa konkretë për të vënë përgjegjësit përpara drejtësisë. Këtë të premte, Prokuororia e Durrësit ka nisur hetimet mbi denoncimet publike të kryera nga kreu I Agjensisë Shtetëorë të Kadastrës, Artan Lamë si dhe nga vartësit e tij për abuzimet e shumta me pronat. Hetimet po kryhen për veprat penale të “Falsifikimit të dokumentave” dhe “Shpërdorimit të detyrës”. Burime nga prokuroria e Durrësit bëjnë me dije se hetimet janë bazuar në faktet e bëra publike në media për kontrollin e ushtruar në Kadastrën e Durrësit dhe konstatimin e prishjes, të regjistrave të pasurive të paluajtshme të regjistruara në zonën bregdetare të Durrrësit. Agjensia Shtetëorë e Kadastrës është një nga institucionet më me shumë kallëzime penale e civile në prokurori dhe gjykata, për korrupsion madhor, shpërdorim detyre, falsifikim dokumentash etj.