Edhe në Durrës të rinj e qytetarë kanë protestuar kundër vrasjes së 25-vjeccarit Klodian Rasha. Qytetarët u mblodhën para godinës së Prokurorisë, duke kërkuar drejtësi për të riun që humbi jetën nga të shtënat e dala nga arma e një polici në detyrë. Qirinj në nderim të viktimës u ndezën nga të rinjtë në hyrje të godinës së akuzës durrsake. Me pankarta dhe foto të Rashës në duar protestuesit përcollën mesazhe duke kërkuar siguri për jetën dhe drejtësi për vrasjen e Rashës. Protesta u ndoq në distancë nga policia vendore. ndërsa në lushnje protesta për vrasjen e Klodian Rashës është drejtuar nga përfaqësues të Partisë Demokratike dhe LSI. Me thirrjet Rama ik dhe kunder policisë e ministrit të Brendshëm protestuesit kanë ndezur qirinj para komisariatit të Lushnjes. Me pas ata kanë përshkruar rrugët e qytetit për të ndezur dhe qirinj para bashkis Lushnje. Policia e Lushnjes ka qëndruar e tërhequr pa u afruar në asnjë moment pranë protestuesve.