Armando Broja cilësohet ndër sulmuesit më të mirë në Premier Leaguen angleze, kjo falë sezonit që po zhvillon 20-vjeçari. Mediat angleze kanë folur me superlativa për të, teksa nuk I kanë ndalur kritikat ndaj sulmuesve të Chelsea-s. Së fundmi britanikja ‘The Sun’ ka bërë një krahasim të sulmuesit shqiptar me Romelu Lukakun. Belgu është në një forme jo të mirë krahasuar me sezonet e mëparshme kur ishte pjesë e Inter, aty ku dhe shkëlqeu. Broja ka shënuar 6 gola në këtë sezon të Premier Leagues angleze, numër I cili është më I lartë se të gjithë sulmuesit e Thomas Tuchel. Vlera e shpenzuar nga Chelsea është shumë herë më e lartë, madje dhe paga që ai merr, duke e krahasuar me Armando Brojën. Belgu ka kushtuar 97.5 mln paund, vlerë e cila nuk është justifikuar nga sulmuesi. Në anën tjetër, 20-vjeçari konsiderohet si e ardhmja e sulmit të skuadrës britanike, madje dhe tifozët këmbëngulin për rikthimin e tij.