Irani ka përforcuar kapacitetet e tij ajrore duke shtuar në arsenal dronë luftarakë të pajisur me raketa ajër ajër – raportoi media shtetërore të dielën. “Dhjetëra dronë Karrar, të armatosur me raketa ajër ajër, janë shtuar në arsenalin e mbrojtjes ajrore në të gjitha zonat kufitare të vendit”, tha agjencia zyrtare e lajmeve IRNA. Dronët me një rreze veprimi prej rreth 1 mijë km, u prezantuan të dielën gjatë një ceremonie të transmetuar në televizion, organizuar në një akademi ushtarake në Teheran. “Armiqtë tanë duhet tani të rimendojnë strategjitë e tyre” sepse forcat iraniane janë bërë më të fuqishme”, citoi agjencia e lajmeve IRNA komandantin e ushtrisë iraniane, Gjeneralin Abdolrahim Mousavi. Droni Karrar, versioni i parë i të cilit u prezantua në 2010-ën, është pajisur me një raketë termale Maxhid, me rreze tetë kilometra, prodhuar plotësisht në airan – shtoi agjencia. “Dronia ka qenë shumë i suksesshëm në testet operacionale gjatë stërvitjeve ushtarake të mbajtura në tetor”, tha Musavi. Zhvillimi i arsenalit ushtarak të iranit ka ndezur shqetësime mes shumë vendeve, vecanërisht në SHBA dhe Izrael, armiq të betuar të republikës islamike. Këto du vende akuzojnë teheranin se po furnizon me dronë aleatët e tij në lindjen e mesme, vecanbërisht grupin libanez shiit, Hezbollah, dhe rebelët Huthi në Jemen. Irani po ashtu mbështet grupin militant palestinez Hamas, që është angazhuar në luftë me izraelin pas sulmeve vdekjeprurëse të tij atje, më 7 tetor. Teherani është akuzuar edhe nga Kievi dhe aleatët e tij perëndimor se po furnizon rusinë me dronë kamikazë që po përdoren në luftën në Ukrainë. Qeveritë perëndimore i kanë vendosur disa raunde sanksionesh iranit për shitjet e supozuara të armëve. Irani ka nisur prodhimin e dronëve në vitet 1980-të, gjatë luftës së tij tetë vjecare me Irakun.