Policia italiane ka shkatërruar një grup kriminal, që merej me shpërndarjen e kokainës në porovinca të ndryshme, ku në mesin e të arrestuarve ishin edhe shqiptarë. Mediat italiane shkruajnë se, policia sekuestroi 11 kg kokainë, sasi e cila kap vlerën 3 milionë euro. Policia italien bëri me dije se grupi i shqiptarëve operonte në zonën e Umbrias, ndëra shtoi se nën hetim janë 20 persona, ku vetëm 6 prej tyre janë kapur, dhe 11 të tjerë janë në arrati dhe janë shpallur në kërkim. Nga masat paraprake, për njërin nga të arrestuarit është dhënë masa e sigurisë arrest me burg, për katër të tjerë arrest shtëpie, dhe për 4 detyrim paraqitje. Referuar mediave italiane, ky grup ka kryer më shumë se 500 shitje, ndërsa hetimet vijojnë akoma. Grupi kriminal operonte përmes shërbimit call center në Shqipëri, i cili me marrjen e kërkesës telefonike nga punonjësi në detyrë, kontaktonte shpërndarësin në Itali për dërgimin e dozave të kokainës, duke dhënë informacion për kohën, vendin dhe sasinë që do blihej. Gjatë kontrolleve të shumta, policia sekuestroi mbi 20,000 euro cash dhe arriti të kapte dy ngarkesa kokainë, njërën me sasi 5 kg dhe tjetrën me sasi 6 kg.