Në Angli tema kryesore e diskutimit është pikërisht procesi gjyqësor që ka nisur ndaj manchester City mbi të cilin rëndojnë 115 akuza për thyerje të normave financiare për periudhën 2009-2018. Kur kanë kaluar vetëm 3 ditë nga nisja e këtij procesi, në median britanike po shfaqen skenare gjithnjë e më të errëta për Citizens. Kështu sipas The Telegraph, manchester City, nëse do të shpallet fajtor rrezikon përjashtimin jo vetëm nga Premier league, por edhe nga të gjitha kompeticionet e tjera kombëtare dhe ndërkombëtare mes të cilave Carabao Cup, FA Cup, Champions league dhe Botërorin për Klube Gjithsesi për momentin nuk ka asnjë siguri nëse kjo do të ndodhë, por e bën këtë cështje gjithnjë e më intriguese. Klubet e tjera të Premier League dhe jo vetëm, po e ndjekëin me shumë vëmendje këtë cështje për të kuptuar lëvizjet e mundshme të Federatës Angleze dhe të UEFA.