Top News – Dokumentet e CIA dhe municionet kineze/Si po fshihen provat e UÇK-së në gjykatën e Hagës?

Pala mbrojtëse e ish krerëve të Ushtrisë Çlirimtare të Kosovës, ka ngritur akuza të forta ndaj Zyrës së Prokurorit të Specializuar në Gjykatën Speciale të Hagës, duke pretenduar se disa dokumente që faktojnë pafajësinë e Thaçit, po mbahen të fshehta. Në konferencën e kësaj të enjte mbi ecurinë e çështjes ndaj ish-krerëve të UÇK-së në Hagë, avokati i Hashim Thaçit, Gregory Kehoe ka thënë se ekzistojnë dokumentet nga institucionet amerikane që tregojnë se UÇK-ja nuk ka qenë e përfshirë në aktivitete terroriste.