Më 3 qershor, në asamblenë e përgjithshme të OKB-së do të zgjidhen disa nga anëtarët e këshillit të sigurimit. Ky këshill është organi më i fuqishëm i OKB-së. Sipas Kartës së Kombeve të Bashkuara, ai mban "përgjegjësinë kryesore për ruajtjen e paqes botërore dhe sigurisë ndërkombëtare”. Vendimet e këshillit janë detyruese për të gjitha shtetet anëtare të OKB-së. Ai mund të vendosë sanksione, të dërgojë misione paqeruajtëse dhe të autorizojë përdorimin e forcës ushtarake. Këshilli i Sigurimit ka pesë anëtarë të përhershëm me të drejtë vetoje: Shtetet e Bashkuara, Rusia, Kina, Mbretëria e Bashkuar dhe Franca. Përveç tyre, ka edhe dhjetë anëtarë jo të përhershëm. Çdo vit, pesë prej tyre zgjidhen për një mandat dyvjeçar. Për një nga këto vende kandidon edhe Gjermania. Në fund të prillit, ministri i Jashtëm gjerman Johann Ëadephul tha gjatë një vizite në selinë e OKB-së në Nju Jork për DË: "Do të thoja se shanset janë të mira, por është një garë dhe është demokraci. Pra, mund të fitojmë, mund të humbasim. Të dyja janë të mundshme. Ne kemi argumente të mira. Ne jemi të angazhuar në botë. Jemi të angazhuar në sistemin e OKB-së.”