Deputeti shqiptar në Kuvendin e Serbisë Shaip Kamberi ka vlerësuar raportin e fundit të Komitetit për Eliminimin e Diskriminimit Racor të OKB-së, I cili sipas tij konfirmon shqetësimet që prej kohësh janë ngritur për pozitën e shqiptarëve në Luginë të Preshevës. Përmes nje reagimi në rrjete sociale deputeti shqiptar nënvizon se ‘Konstatimet për gjuhën e urrejtjes ndaj pakicës shqiptare, përfaqësimin e pamjaftueshëm në institucione dhe aplikimin diskriminues të ligjit për vendbanimin, paraqesin një pasqyrë serioze që kërkon përgjigje të menjëhershme institucionale. Sipas tij diskriminimi I ligjit për vendbanimin, ka sjellë pasivizimin e adresave dhe humbjen e të drejtave civile e politike. Kamberi shprehet, se këto gjetje në raport, nuk janë vetëm vlerësime teknike, por reflektim i një realiteti të përjetuar nga qytetarët shqiptarë. Deputeti thekson se respektimi I të drejtave të pakicave, nuk është çështje zgjedhjeje politike, por detyrim ndërkombëtar dhe themel i një shoqërie demokratike.