Dëshmia e infermierës Aurona Pelaj, e cila është arrestuar tashmë nga policia e kosovës pas skandalit që tronditi opinionin publik një ditë më parë, është zbardhur tshmë. Në pamjet që pushtuan rrjetet sociale, Pelaj shihej teksa dhunonte një të moshuar në qendrën Orenda në Pejë, bashkë me 3 punonjëse të tjera. Para hetuesve, menjëherë para arrestimit, infermierja sipas mediave kosovare ka shprehur pendim por edhe ka pretenduar se të moshuarën e sulmoi për vetëmbrojtje. Ajo i tha hetuesve se kishte shkuar të ndihmonte koleget, të cilat po kujdeseshin për të moshuarën, pasi ajo kishte qenë agresive. Dhunën e ushtruar mbi të moshuarën, Miniere Nurja, ajo e ka justifikuar duke thënë se e moshuara e ka sulmuar e para pasi kishte kaluar kriza nervore dhe kishte shkaktuar edhe telashe në ambjentet e qendrës.