Detaje të reja janë publikuar në mediat italiane për grabitjen e banesës së Angel Di Maria. Mësohet se një prej të arrestuarve është shqiptar. Grabitësi shqiptar i arrestuar mbrëmjen e së enjtes nga oficerët e policisë që penguan një grabitje në vilën e futbollistëve të Juventusit, Angel Di Maria dhe Dushan Vlahovic është 31 vjeç dhe ka një histori të gjatë me precedentë penalë. Grupi i grabitësve përbëhej nga 4 persona teksa udhëtonim me një makinë të vjedhur. Mediet italiane raportojnë se pasi Di Maria hyri në shtëpi, kamerat kanë pikasur 3 grabitësit, dhe është lajmëruar menjëherë policia e cila ka mbërritur në kohë rekord, duke ndjekur grabitësit, të cilët për pak caste arritën të shpëtonin dhe të hipnin në një makinë që I priste në rrugë. Por një tjetër patrullë policia kishte bllokuar rrugën, çka ka bërë që që 3 grabitësit të zbrisnin e të tentonin të arratiseshin në këmbë, mes të cilëve ishte një shqiptar 31-vjeç. Por pavarësisht kësaj, ata janë kapur nga policia. Shoferi I makinës ka tentuar të përplasë me makinë një prej policëve, por pasi është qëlluar në ajër, makina ka humbur kontrollin duke me u përplasur me një automjet të parkuar, e më pas policia e ka vënë në pranga. Brenda makinës u gjetën çanta, radio marrëse dhënëse, një telefon celular dhe brave. Shqiptari ka kundërshtuar policinë dhe është përleshur me efektivët, çka ka bërë që mbi të të rëndojnë disa vepra penale.