Hetimet për vrasjen e biznesmenit të kromit, Iljaz Çali po vijojnë me marrjen në pyetje të personave me të cilët ai ka pasur konflikte. Së fundmi bëhet fjalë për dy biznesmenë të tjerë me të cilët dyshohet se I riu ka pasur përplasje të vazhdueshme. Rrahim Dedja dhe Ilir Çami janë marrë në pyetje nga hetuesit ku kanë treguar gjithçka rreth marrëdhënies që kanë pasur me viktimën, borxhit apo përplasjes. Ajo çka bëhet me dije është se asnjëri prej tyre nuk ka pranuar të ketë lidhje me vrasjen e tij.